පෙරුම් පුරමින් කලක්
සිටිමි මම විමසමින්
අරුත කිම අරුත කිම
ගැබ්ව ඇති දහම තුළ
පසක් විය මා සිතට
කරා යන ගමන් මග
පිළිබඳව තේරුමක්
ඇත කයක් "මම" නමින්
ජීවයක් ලබා දෙන
සිතක් ඇත කය සමග
නැගේ සිතුවිලි නිතොර
කරනු ලෙස නෙක ක්රියා
දොඩනු ලෙස නෙක වදන්
ඇති වෙමින් නැති වෙමින්
කිමිදෙමින් ඉපිලෙමින්
පාලනය කළ හැකිව
තමා සතු නැත කිසිත්
නොනවතින පැතුම් රැස
ඇතිව නැතිවන බවක්
දැනේ මට හැඟේ මට
වෙනස්වන කයක් හා
වෙනස්වන සිත් ගොන්න
තුළ කෙනෙකු නොමැති බව
දැනේ මට හැඟේ මට
හැඳින්නෙමි එලෙස "මම"
කිසිලෙසින් නොමැති බව
සත්වයකු "මම" නමින්!
මිනිසෙකු ද "මම" නමින්!
- කළණ දිසානායක
kalanadsl@gmail.com
මේ නිර්මාණය ගැන ඔබේ අදහස් මෙහි සටහන් කරන්න. කෙළින් ම ලේඛකයාට ඊ-මේල් මගින් දැන්වීමට අවශ්ය නම් ඉහත ඊ-මේල් ලිපිනය භාවිතා කළ හැක.
