තැන තැන වැටී
පොළොවට ඇලුණු
තුරු පත් මුණින්තලාව ය
මියැදුණු මිතුරු ගොළුබෙලි
නිවහනක නටඹුන් ය
බිඳී විසිරී ගිය
විහඟ බිජුවටක
විසිරුණු කැබලිති ය
අසල නිවෙස්නෙක ළදරු කෑ ගෑමකි
වැසි වට වීදි දිග
මිනිස් ජීවිත කැබලි රැඳී ය
බොර වතුර නැවතුණු
කඩින් කඩ වළවල් ය
නොනවතින ගෙඹි ගීත තනුවට
තෙමුණු ගස් පොළොවට හෙළන
බර වැහි බිඳිති එක් වෙමිනි...
"අයං වස්සාන කාලෝ
ඍතු නියාමය මෙය වේ"
වස් පිංකමට ගිය උවැසි සවතත වැකේ...
කුරුලු කූජන නිහඬ ය
ලේන් අඬහැර නිසල ය
අම්මා තෙමෙන කුඩයට යටින් තෙමෙමිනි
උළු බිඳී ගිය ජීවිත
සෙවෙල කන මේ කාලය
නොයෙක් ලෙස අපි වරනගා ගෙන
ළතෙත් හදවත තාන ය
වැස්සකට අඩමානය
වැසි නොදත් ඒ මානය
කොටසකට අසමාන ය
- නයෝමි අමරසිංහ
namarasinghe78@gmail.com
මේ නිර්මාණය ගැන ඔබේ අදහස් මෙහි සටහන් කරන්න. කෙළින් ම ලේඛකයාට ඊ-මේල් මගින් දැන්වීමට අවශ්ය නම් ඉහත ඊ-මේල් ලිපිනය භාවිතා කළ හැක.
No comments:
Post a Comment
සහෘද පාඨක ඔබේ ප්රතිචාර ඉතා අගය කරමු. ස්තුතියි.