ගාන්ධාරී - ඉන්දිකා තිලකුමාර

උඩ මළුවේ බෝ සිහිලේ පැතු පැතුමේ
අලුත් සහල් බතකින් සැදි කිරි සිහිනේ
සමනල් තටු සෙමෙර සැලූ ගැබ් යහනේ
කවඩි සිනා ඇයි කලියෙන් මැකී ගියේ?

රැකුමට පුතුන් ලෙහෙනිය සේ දැරූ වීරී
පුතුන් නිසා මව් හදවත් ඇවිලි ගිනී
සියක් පුතුන් වෙනුවෙන් හැඬූ ගාන්ධාරී
සන්සිත් නිවේවා පැතු බෝධියකින් සැනැහී

- ඉන්දිකා තිලකුමාර
ithilakumara@yahoo.com

මේ නිර්මාණය ගැන ඔබේ අදහස් මෙහි සටහන් කරන්න. කෙළින් ම ලේඛකයාට ඊ-මේල් මගින් දැන්වීමට අවශ්‍ය නම් ඉහත ඊ-මේල් ලිපිනය භාවිතා කළ හැක.