නෙතඟ කැළුම් මදහස මන වසඟ කළ
විහඟ වියේ හිරිපොද වැහි වැටෙන සඳ
පන්තියෙ උසස්පෙළ විදුහල් මවුන් කුස
මතකද නුඹට අපි හමුවුණු මුල්ම දින?
ළමැදට තුරුළු කරගත් පොත් මිටිය තුළ
දුටුවා මම මගේ හදවත තියෙන වග
පරතර භේද තිබුණත් අපෙ පවුල්වල
වැටවල් බැඳුනෙ නෑ යන මග හරස්කර
කොතරම් දුෂ්කර ද, මිහිරි ද ආව මග
ඉහ නිකටත් පැහිල දරු මුණුපුරන් මැද
දවසක යා යුතුයි අතහැර සියලු දෙය
යන්නම් මම කලින් නැති නම් දුකකි මට
- රුවන් ඩී අළුබෝමුල්ලගේ
ruwand7@gmail.com
මේ නිර්මාණය ගැන ඔබේ අදහස් මෙහි සටහන් කරන්න. කෙළින් ම ලේඛකයාට ඊ-මේල් මගින් දැන්වීමට අවශ්‍ය නම් ඉහත ඊ-මේල් ලිපිනය භාවිතා කළ හැක.
No comments:
Post a Comment
සහෘද පාඨක ඔබේ ප්‍රතිචාර ඉතා අගය කරමු. ස්තුතියි.