ලියුම් කියුම් මුතු ඇට අකුරු වැලකිනී
සියුම් සිත්තමක රේඛා හරි කෙලිනී
මැවුම්කරු වුණත් හරියට සිතු බැවිනී
සිතුම් පැතුම් තිබුණේ උස් කඳු ලෙසිනී
ඉවුම් පිහුම් සේදුම් හනි හනිකට ය
මැහුම් ගෙතුම් පෙනුමට හැඩ වැඩට ම ය
ගමන් බිමන් සිතු විට සිතු විදියට ය
එවන් කලක් තිබුණෙත් අප අපට ම ය
කාලය අඳුරු සළුවකි දිග ඇදී ගිය
ලීලය නොපෙන්වා සැම හිස් වසා ගිය
තාලය වෙනස් විය ගැයුම ද වෙනස් විය
මාලය කුමට මුතු ඇට ටික දුරස් විය
එ දවස මගට බට විට කසිලිබිසිලි ය
දුර අඩි තබා යන විට සැලුණි මිහිලිය
අඩියක් තබන්නේ දැන් පැකිලි පැකිලි ය
අපි දැන් කල් ඉකුත්වූ අබලි කැබලි ය
- මාලිනී ගනේවත්ත
mganewatta@gmail.com
මේ නිර්මාණය ගැන ඔබේ අදහස් මෙහි සටහන් කරන්න. කෙළින් ම ලේඛකයාට ඊ-මේල් මගින් දැන්වීමට අවශ්ය නම් ඉහත ඊ-මේල් ලිපිනය භාවිතා කළ හැක.
No comments:
Post a Comment
සහෘද පාඨක ඔබේ ප්රතිචාර ඉතා අගය කරමු. ස්තුතියි.